لــــــــــــماذا ؟؟؟؟؟

لماذا عندما نتقابل يتعمد كلاً منا جرح الأخر؟

لماذا دوماً هذه الحياه مليئه بالصراعات ؟

لماذا على الرغم من اننا بشر ذات طبيعه واحده لا يسود الفهم بيننا ؟

لماذا يؤذى كلانا الاخر عن قصد او بدون قصد ؟

لما يدخل الزوج حياة زوجته ليشعرها بالنقص ؟

ولما هى دوماً تبدو غير راضيه عنه وعن حياتهما ( الا من رحم ربى ) ؟

لما المشاكل التى تحدث بين الصديق وصديقه والتى قد تؤدى لانقطاع علاقتهماوقد عاشا اجمل ذكريات حياتهما سوياً ؟

لماذا نفعل ما يغضب الاخرين مننا ونحن نعلم جيداً انهم يحبوننا ؟

لماذا ولماذا ولماذا ...................... ؟

اسئله لا أتمكن من الاجابه عليها ؟

ولكن نصيحتى لك

اذا شعرت بأن وجودك فى حياة غيرك سيؤذى مشاعره او سيجرحه للحظات

فلتبقى بعيداً عنه

حتى تصبح صوره جميله بدلاً من أن تكن حقيقه مؤلمه

خبطتين فى الراس

التاجين دول دبسنى فيهم كيمو " صاحب مدونة صوت من مصر "

وطبعاً خبطتين فى الراس توجع

شكراً جداً ياكيمو على الخبطتين اقصد التاجين ومسيرها مردوده

التاج الاول

اذكر 6 اسرار قد لا يكتشفها من يقابلك لاول مره ؟

1 / انى فى تانيه كليه ( بيقولولى اخرك 2 اعدادى )

2 / مش بعرف اطبخ

3 / انى بتلامض ( الكل مفكرنى هاديه وبعدين بيكتشفوا حقيقتى المره )

4/ بقدم حسن النيه فى التعامل لاقصى درجه مع اى حد

5/ بسيب فجوه فى اى حاجه بعملها

6 / مستهتره لحد كبير ومش بستغل نعم ربنا عليا

التاج التانى

اذكر 16 صفه عن نفسك

ياااااااااااااااااه 16 ...ده ايه الافترا ده

1 / مش فاهمه نفسى او بمعنى اصح مش عارفه اوى ايه مميزاتى وايه عيوبى

2/ مش بتنرفز بسرعه بس لما بتنرفز اجارك الله

3/ بكره القسوه لما تيجى من احن الناس عليا

4 / دموعى قريبه جداً ومن موقف صغنن ممكن تلاقى نفورة دموع

5 / تفكيرى لدرجه كبيره لا واقعى ولا منطقى

6 / ممكن فى ثانيه تلاقينى سعيده وفى ثانيه اكتئب من غير سبب

7 / اكره انى احس انى مغفله وبيضحك عليا

8 / بحب اخواتى واصحابى جداً ( احلى ما فى حياتى )

9 / بحب مجال دراستى جداً

10 / ممكن اكون حزينه وابين عكس كده تماماً

11 / بكره ان حد يكون ليه عليا جمايل

12 / مش بشيل من حد وسهلة المصالحه جداً

13 / بكره المشاكل جداً ونفسى اعيش مع ناس مسالمه

14 / مش بحب اتعلق باى حد واى حاجه لدرجه كبيره لانى واثقه ان كده كده هفارقها

ومع ذلك بتعلق بناس كتير وبضطر افارقهم وفى الاخر بنجرح

15 / بكره الكدب جدا والخيانه مووووت والظلم اطيق العمى ولا اطيقهوش

16 / ممكن اضحى باى حاجه لو هتيجى على كرامتى ولو فيها اى ذل ليا

اذكر احلام تخص ماضيك كنت هتتخلى عن ايه وحققت ايه لحد دلوقت ؟

زمااااااااااااان كان نفسى ادخل كلية هندسه بس الحمد لله انى مادخلتهاش لانى فعلاً لقيت نفسى اوووووووووووووى فى مجالى

نفسى اكون صحفيه ناجحه اغير بكتاباتى اللى مش راضيه عنه واغير سلبيات المجتمع اللى انا فيه

انى اكون سبب فى تحقيق احلام كل الناس اللى عرفتهم

انى اسيب بصمه فالدنيا دى ومبقاش زى ما دخلت زى ماخرجت

لسه لحد الان ماحققتش حاجه من دى بس بسعى

اذكر شخصين على الاقل موجودين فى حياتك وكنت تتمنى وجودهم من قبل ؟

_ انا بتفكيرى الحالى مش تفكير زمان

_ اصدقاء الكليه وبعض دكاترته ( بالتحديد دكتور نبيل طبوشه _ دكتور احمد عبد الفتاح _ دكتور ابراهيم عبد العال )

اذكر شخصين غير موجودين فى حياتك وتتمنى وجودهم مستقبلاً فى حياتك وحياة ولادك ؟

_ بيتنا القديم ....كنت اتمنى وجودى ووجود ولادى فى المكان ده لانى بحبه وبلاقى نفسى فيه

_ كنت اتمنى وجود الرسول " ص " او اى حد من الصحابه فى حياتى وحياتهم وحياتنا كلنا

اخيييييييييراً خلصت

اشهد ان لا اله الا الله

الدور على مييييييين فى التدبيس ؟

موجوده انا

بنوته لاسعه

كفراوى

تمر حنه

مدحت محمد بلوج البصيره

احمد بلوج امى

العيون لو تخون يبقى كل شىء يهون

قالت لها : لا يوجد أحد من الرجال مخلص

فأجابت : إلا هو .... فقد قال لى مراراً أنه لا يرى سواى

ضحكت بسخريه : قال لكى ؟ ! .... ومنذ متى يقولون ما يفعلون ؟

* ولكننى واثقه من حبه لى

_ واثقه من حبه لكى ... ولكن هل واثقه من ضميره ؟

* صمتت هنيهه ونظرت لها قائله :

أثق أنه لن يخوننى

فأبتسمت وقالت : تذكريننى بنفسى قديماً ... نفس الكلمات كانت تخرج منى دفاعاً عنه

ترددت الأخرى وسألتها : اذا كان حقاً ما تقولين .. فكيف لى أن أكتشف خيانته ؟

_ إن كنت تريدين فأعطينى رقم هاتفه وسأتحدث اليه امامك ولك أن تستمعى وتتأكدى من مدى اخلاصه لك

أعطتها الرقم وهى تدعو الله أن يخيب ظن صديقتها فيه

كانت ترتجف من الخوف فكانت تخشى أن يصبح كما لا تبغى

تجمدت فى مكانها حين سمعت صوته ....أخذت تهدىء من روعها حتى تستمع للحديث

وبالفعل حدث ما كانت تخشاه ... كانت صديقتها صائبه

فهو لم يبالى بمشاعرها واخذ يجارى صديقتها فى الحديث

والأسوأ من ذلك أنه أصبح يتحدث لصديقتها يومياً

انهمرت فى البكاء... كانت الصدمه قاسيه عليها

أخذت قراراً بأنها لن تتحدث له مرة ثانيه بل لابد لها أن تخرجه من حياتها

وألا تفكر به

ملأت حياتها بالعمل وكانت لا تترك فرصه للأفكار حتى لا تضعف وتحن له

مرت الأيام .... وبالفعل أخرجته

وأصبح لها شيئاً منسياً فالحب فى قاموسها يعنى الاخلاص

وذات يوم ... تقابلت مع احدى صديقاتها فأخذا يتبادلا أطراف الحديث

حتى قالت لها : لا يوجد احد من الرجال مخلص

فأجابت صديقتها : الا هو ... فقد قال لى مراراً أنه لا يرى سواى

ابتسمت وأخذت حقيبتها وهى تردد

ويلاً كل الويل لنا .... فتيات مخدوعات

السؤال بقى للشباب ( شكلى هضرب دلوقت )

هل الخيانه طبع عند الرجال ؟

لو انت مكانه ايه هيكون تصرفك ؟

عايزه اجابه بس مش اى اجابه ( اجابه بصــــــــــــــراحه )

حاميها حراميها

وحشتوووووووووونى موووووووووووووووت

بس الله يجازيها _ مهدم اللذات ومفرق الجماعات _ الامتحانات طبعاً

اللى اخدتنى من حياتى اللى بحبها

بس الحمد لله رجعت تانى لحياتى الطبيعيه بس طبعاً لازم احكى لكم عن نادره من نوادر الامتحانات

المشهد الأول

قاعده فى أمان الله فى اللجنه وكنت براجع واول مره اعملها واخلص قبل الوقت واراجع

لقيت المراقبه ابتسمت ابتسامه خفيفه مش بريئه وقالت لى : خلصتى

فقلت لها : الحمد لله بس براجع

فلقيتها بصت لى تانى وبتجر ناعم وبتقولى : طب حليتى السؤال ده ؟

قلت لها : ايوه الحمد لله

ما مرتش ثوانى الا ولقيتها جابت واحد من القسم وقعدته ورايا على طول

وقامت قايلالى : اديله السؤال ده

بجد والله كان ساعتها فوق دماغى مية علامة استفهام وهشة غبااااااااااااء كبييييييره

كنت مذبهله اووووووى

واكتر كلمه كنت برددها جوايا ( حاميها حراميها )

نفسى افهم اسمها مراقبه ازااااااااااااااى ولما هى تعمل كده الطلبه تعمل اييييييييييييييه ؟ ؟

ولانى كنت مندهشه اوى لطلبها ده وما كنتش عارفه اتصرف ازاى ولا كنت مستوعبه الموقف

ازاى مراقبه تحرض على الغش ؟؟!

فطنشت وعملت نفسى مش سامعه

المشهد التانى

المراقبه _ مع انى مستحرمه انى اطلق عليها الاسم ده _ قالت لى :

مش تديله السؤال بقى مش انت خلصتى ؟ ؟

قلت لها : اديهولوا ازاااااااااااى ؟ ؟

ردت بمنتهى البساطه : افتحى ورقتك عليه وهو هياخده

شايفين هى دى الناس ولا بلاش ....عمار يامصر

فبصت لها وبتدور فى دماغى الف فكره

أرفض لأنى ضد ان حد يقولى اعملى كذا ولأنى ضد الغش تماماً لأن

( من غشنا فليس منا )

ولا اديله السؤال يمكن يكون ده هينجحوا فعلاً

وبعدين بصيت ورايا لقيت الواد منظره يصعب على الكافر

فلأنى قلبى حونين ....فتحت الورقه واخد السؤال

بس طبعاً الانسان بطبيعته البشريه طماع ومش بيملى عينيه سؤال

فقاللى : السؤال الرابع كمان

ففتحت الورقه عشان ياخد السؤال (ماهى هيصه بقى )

فقاللى حاجه انا مش سمعتها

قلت له : بتقول اييييييه ؟ ؟

لقيت فجأه وبدون مقدمات المراقبه التانيه بتقولى :

انت يابنت بصى قدامك

طبعاً كنت واثقه ان الكلام ده مش ليا فقعدت ابص يمين وشمال اشوف مين الغشاشه دى اللى المراقبه بتزعق لها

وللأسف الحقيقه المره لقيتها انا

قلت بلاها مراجعه واخدت ورقتى وسلمتها ولسان حالى يقول :

خيراً تعمل شراً تلقى

هلوسة المذاكره

صفحه مع صفحه مع صفحه

أهى هانت وهيخلص فصل

فصل ويا فصل ويا فصل

يخلص الكتاب

وكتاب فى كتاب فى كتاب

تخلص المواد

عشان كده ابدأ بالصفحه عشان تخلص المواد

شوفتوا المذاكره بتعمل فينا ايه ؟

شويه وهتهبل

معلش هلوسة مذاكره

استنونى لما اخلص وادعوا لى واوعوا تنسونى

تاج

التاج ده جالى من كفراوى

وفرحت جداً لما لقيته افتكرنى من الخمسه اللى يهديلهم التاج

شكراً جداً ياكفراوى

انت مش عارف قد ايه فرحتى بيه

أعرفكم بقى بقواعد التاج

1 / أذكر 10 أشياء عن نفسك

2 / اختر 5 أشخاص تهدى لهم التاج

3 / لا تهدى التاج لمن أهداك اياه

4 / أترك لصديقك الذى أهداك التاج بان التاج نزل وتعالى شوفه

جاءت لحظة الحسم واتزنقت ياحلو

استعدوا للإجابات

1 / مابحبش أتكلم عن نفسى

لأنى مقتنعه ان الشخصيه بتتعرف من التصرفات مش من الكلام

2 / بحب أختى سلوى مووووووووووووت وبعتبرها صديقتى مش أختى

3 / الناس اللى بحس انى مقصره فى حقهم ( ماما ـ أخويا حسين )

4 / أجمل حاجه فى دنيتى أصحابى

5 / اكتر صفات بكرهها ( الخيانه ـ الكدب ـ القسوه ـ الظلم )

6 / بكره جداً انى احس الناس شايفانى كويسه وانا أحس انى مقصره

7 / بحب الصحافه جداً عشان كده بحب دراستى موووووووووووووت ( أداب طنطا / قسم إعلام )

8 / نفسى أكون خير لكل اللى عرفونى

9 / أجمل لحظات عشتها كانت فى بيتنا القديم عشان كنت قريبه من أصحابى

10 / بحب كل الناس وعمرى ماوصلت لدرجة الكره مع حد

أمرر التاج لميييييييييييييييييييييييييييييين ؟

موجوده أنا

بنوته لاسعه

تمر حنه

صوت من مصر

عمو أحمد ( مدونة منحنيات )

زمانك ليس زماننا

(الحياه حلوه بس نفهمها)
هكذا غنى فريد الأطرش
وهكذا وصف الحياه بأنها حلوه
ولكن اذا جاء لزماننا هذا أتظنون أنه سيغنى هذه الأغنيه
بل تتوقعون أن يصفق له الجماهير
فى اعتقادى أن الناس اذا استمعوا لهذه الأغنيه فى زماننا هذا
لن يصفقوا له بل انهم فى الغالب سيضربون كفاً على كف لما يحدث لهم
فلو جاء فريد الأطرش وسار فى الطريق
ولا حظ الهموم المرسومه على وجوه أولياء الأمور

لعرف حقاً ما هى الحياه بالنسبه لهم
فنور الصباح يحمل لهم فكراً وهماً وانشغالاً لأقصى حد
ومتطلبات لا يستطيعوا بأى حال سدادها
والشىء الأكثر الذى يستدعى العجب
أنه وضع شرط (بس نفهمها)
فلو حقاً عملنا بنصيحته وفهمنا هذه الحياه التى نحياها
لوجدناه يظلم كلمة حلوه
فحروف (ح ـ ل ـ و ) لا تنطبق بأى شكل على هذه الحياه
فلو فهمناها سنجد هناك طبقتين
اما طبقه غنيه مرفهه
واما طبقه لا تجد قوت يومها الا بصعوبه
لو فهمناها سنجد أطفال مشرده
تتعلم أقذر الأساليب والألفاظ من الشارع الذى هو معلمها الوحيد
لو فهمناها حقاً لوجدنا شباب ذاكر وسافر وتعلم
ليكن مصيره المقهى
وليس له ذنب سوى أنه فى هذه الحياه وفى هذا الزمن
لو فهمناها لوجدنا اشخاصاً تتعامل بالملايين والمليارات
وأشخاصاً لا يعرفون سوى الجنيهات فهى العمله الوحيده التى يعاصروها
كأنهم من كوكب الأرض والأخرين من كوكب المريخ
لو فهمناها لوجدنا كل شىء فيها يسير بالوسطه
لو فهمناها لوجدنا ووجدنا ووجدنا
أتريدنا أن نفهمها ؟
أم تريدنا أن نطلق عليها حلوه ؟
ولكن لا لوم عليك فزمانك ليس زماننا ولن يكن
ولكن..... سيظل الأمل