حاميها حراميها

وحشتوووووووووونى موووووووووووووووت

بس الله يجازيها _ مهدم اللذات ومفرق الجماعات _ الامتحانات طبعاً

اللى اخدتنى من حياتى اللى بحبها

بس الحمد لله رجعت تانى لحياتى الطبيعيه بس طبعاً لازم احكى لكم عن نادره من نوادر الامتحانات

المشهد الأول

قاعده فى أمان الله فى اللجنه وكنت براجع واول مره اعملها واخلص قبل الوقت واراجع

لقيت المراقبه ابتسمت ابتسامه خفيفه مش بريئه وقالت لى : خلصتى

فقلت لها : الحمد لله بس براجع

فلقيتها بصت لى تانى وبتجر ناعم وبتقولى : طب حليتى السؤال ده ؟

قلت لها : ايوه الحمد لله

ما مرتش ثوانى الا ولقيتها جابت واحد من القسم وقعدته ورايا على طول

وقامت قايلالى : اديله السؤال ده

بجد والله كان ساعتها فوق دماغى مية علامة استفهام وهشة غبااااااااااااء كبييييييره

كنت مذبهله اووووووى

واكتر كلمه كنت برددها جوايا ( حاميها حراميها )

نفسى افهم اسمها مراقبه ازااااااااااااااى ولما هى تعمل كده الطلبه تعمل اييييييييييييييه ؟ ؟

ولانى كنت مندهشه اوى لطلبها ده وما كنتش عارفه اتصرف ازاى ولا كنت مستوعبه الموقف

ازاى مراقبه تحرض على الغش ؟؟!

فطنشت وعملت نفسى مش سامعه

المشهد التانى

المراقبه _ مع انى مستحرمه انى اطلق عليها الاسم ده _ قالت لى :

مش تديله السؤال بقى مش انت خلصتى ؟ ؟

قلت لها : اديهولوا ازاااااااااااى ؟ ؟

ردت بمنتهى البساطه : افتحى ورقتك عليه وهو هياخده

شايفين هى دى الناس ولا بلاش ....عمار يامصر

فبصت لها وبتدور فى دماغى الف فكره

أرفض لأنى ضد ان حد يقولى اعملى كذا ولأنى ضد الغش تماماً لأن

( من غشنا فليس منا )

ولا اديله السؤال يمكن يكون ده هينجحوا فعلاً

وبعدين بصيت ورايا لقيت الواد منظره يصعب على الكافر

فلأنى قلبى حونين ....فتحت الورقه واخد السؤال

بس طبعاً الانسان بطبيعته البشريه طماع ومش بيملى عينيه سؤال

فقاللى : السؤال الرابع كمان

ففتحت الورقه عشان ياخد السؤال (ماهى هيصه بقى )

فقاللى حاجه انا مش سمعتها

قلت له : بتقول اييييييه ؟ ؟

لقيت فجأه وبدون مقدمات المراقبه التانيه بتقولى :

انت يابنت بصى قدامك

طبعاً كنت واثقه ان الكلام ده مش ليا فقعدت ابص يمين وشمال اشوف مين الغشاشه دى اللى المراقبه بتزعق لها

وللأسف الحقيقه المره لقيتها انا

قلت بلاها مراجعه واخدت ورقتى وسلمتها ولسان حالى يقول :

خيراً تعمل شراً تلقى

هلوسة المذاكره

صفحه مع صفحه مع صفحه

أهى هانت وهيخلص فصل

فصل ويا فصل ويا فصل

يخلص الكتاب

وكتاب فى كتاب فى كتاب

تخلص المواد

عشان كده ابدأ بالصفحه عشان تخلص المواد

شوفتوا المذاكره بتعمل فينا ايه ؟

شويه وهتهبل

معلش هلوسة مذاكره

استنونى لما اخلص وادعوا لى واوعوا تنسونى

تاج

التاج ده جالى من كفراوى

وفرحت جداً لما لقيته افتكرنى من الخمسه اللى يهديلهم التاج

شكراً جداً ياكفراوى

انت مش عارف قد ايه فرحتى بيه

أعرفكم بقى بقواعد التاج

1 / أذكر 10 أشياء عن نفسك

2 / اختر 5 أشخاص تهدى لهم التاج

3 / لا تهدى التاج لمن أهداك اياه

4 / أترك لصديقك الذى أهداك التاج بان التاج نزل وتعالى شوفه

جاءت لحظة الحسم واتزنقت ياحلو

استعدوا للإجابات

1 / مابحبش أتكلم عن نفسى

لأنى مقتنعه ان الشخصيه بتتعرف من التصرفات مش من الكلام

2 / بحب أختى سلوى مووووووووووووت وبعتبرها صديقتى مش أختى

3 / الناس اللى بحس انى مقصره فى حقهم ( ماما ـ أخويا حسين )

4 / أجمل حاجه فى دنيتى أصحابى

5 / اكتر صفات بكرهها ( الخيانه ـ الكدب ـ القسوه ـ الظلم )

6 / بكره جداً انى احس الناس شايفانى كويسه وانا أحس انى مقصره

7 / بحب الصحافه جداً عشان كده بحب دراستى موووووووووووووت ( أداب طنطا / قسم إعلام )

8 / نفسى أكون خير لكل اللى عرفونى

9 / أجمل لحظات عشتها كانت فى بيتنا القديم عشان كنت قريبه من أصحابى

10 / بحب كل الناس وعمرى ماوصلت لدرجة الكره مع حد

أمرر التاج لميييييييييييييييييييييييييييييين ؟

موجوده أنا

بنوته لاسعه

تمر حنه

صوت من مصر

عمو أحمد ( مدونة منحنيات )

زمانك ليس زماننا

(الحياه حلوه بس نفهمها)
هكذا غنى فريد الأطرش
وهكذا وصف الحياه بأنها حلوه
ولكن اذا جاء لزماننا هذا أتظنون أنه سيغنى هذه الأغنيه
بل تتوقعون أن يصفق له الجماهير
فى اعتقادى أن الناس اذا استمعوا لهذه الأغنيه فى زماننا هذا
لن يصفقوا له بل انهم فى الغالب سيضربون كفاً على كف لما يحدث لهم
فلو جاء فريد الأطرش وسار فى الطريق
ولا حظ الهموم المرسومه على وجوه أولياء الأمور

لعرف حقاً ما هى الحياه بالنسبه لهم
فنور الصباح يحمل لهم فكراً وهماً وانشغالاً لأقصى حد
ومتطلبات لا يستطيعوا بأى حال سدادها
والشىء الأكثر الذى يستدعى العجب
أنه وضع شرط (بس نفهمها)
فلو حقاً عملنا بنصيحته وفهمنا هذه الحياه التى نحياها
لوجدناه يظلم كلمة حلوه
فحروف (ح ـ ل ـ و ) لا تنطبق بأى شكل على هذه الحياه
فلو فهمناها سنجد هناك طبقتين
اما طبقه غنيه مرفهه
واما طبقه لا تجد قوت يومها الا بصعوبه
لو فهمناها سنجد أطفال مشرده
تتعلم أقذر الأساليب والألفاظ من الشارع الذى هو معلمها الوحيد
لو فهمناها حقاً لوجدنا شباب ذاكر وسافر وتعلم
ليكن مصيره المقهى
وليس له ذنب سوى أنه فى هذه الحياه وفى هذا الزمن
لو فهمناها لوجدنا اشخاصاً تتعامل بالملايين والمليارات
وأشخاصاً لا يعرفون سوى الجنيهات فهى العمله الوحيده التى يعاصروها
كأنهم من كوكب الأرض والأخرين من كوكب المريخ
لو فهمناها لوجدنا كل شىء فيها يسير بالوسطه
لو فهمناها لوجدنا ووجدنا ووجدنا
أتريدنا أن نفهمها ؟
أم تريدنا أن نطلق عليها حلوه ؟
ولكن لا لوم عليك فزمانك ليس زماننا ولن يكن
ولكن..... سيظل الأمل

صغيره ولكن...

اشياء صغيره قد تحدث لك فى اليوم

وتجعلك حزين طواله

أشياء صغيره قد تجعلك تبكى وتبكى بغزاره

وربما إذا صارحت بها غيرك

لنظر إليك وكأنك جننت

أشياء لا تستطع أن تصارح بها سوى نفسك

أشياء صغيره ...

هكذا هى فى نظرهم

انما فى نظرك أنت

فهى أكبر وأكبر بكثير

فقد تترك لك احساس مؤلم وجرح

وأصعب ما فى هذه الأشياء

أنها صغيره فى نظر من فعلها وجرحك

والأصعب من هذا

أنك لا تستطع ان تلومه

لأنه ببساطه سيسخر منك

وليتنى الأن أستطيع التخلص من هذه الأشياء

التى فى نظرى كبيره

ولكنها عند الأخرين

ليست صغيره ....بل تافهه

فها هى الأشياء الصغيره

وهاهو صنيعها بنا

فهل من منفذ ؟؟

شعاع نور

(انا لا أستطيع اذاً انا لا أريد )
فجميعنا نستطيع ولكن هل جميعنا نريد ؟
فجميعنا نستطيع ان نغير ما لا يروق لنا من تصرفات اذا كان لدينا الإراده
فالإراده ثم الإراده ثم الإراده
فهى السبيل لتحقيق المستحيل
فنحن الأن وفى مجتمعنا ملايين المدمنين
ماذا سنفعل لهم ؟
هل سنصمت ونرضى ونحن نرى اننا فى أمس الحاجه لهؤلاء الشباب لننهض ؟
فمن هنا .... ومن هذه المساحه الصغيره أناشدكم
ومن هنا نتكاتف جميعاً ونرفع شعار الحمله التى ينادى بها الأستاذ عمرو خالد فى برنامجه ( الجنه فى بيوتنا )
فلنرفع جميعاً شعار ( اوقف المخدرات وغير حياتك )
فلنرفع جميعاً شعار ( نعم للإيجابيه ولا للسلبيه )
فلنشترك جميعاً فى الحمله
لنشعر اننا فعلنا شىء فى هذه الحياه
الحمله لمن لا يعرف لها هدفين اساسين
الأول : نشجع الشباب الذى لايتعاطى على الاستمرار على التزامه وإستقامته
الثانى : نعطى شعاع نور وأمل لمن يتعاطى ونشعره أن الباب لايزال مفتوح أمامه اذا كان يريد
فكل شىء مستطاع ولكنها الإراده
الحمله تدعو كل انسان ان يشارك بأنشطه لتوصيل هذين الهدفين للناس مثلاً
(ندوه ـ خطبة جمعه ـ كلمه فى الجامعه ـ كلمه فى الاذاعه الدرسيه ـ مدونه ... )
فلنشارك جميعاً حتى نعطى الأمل للأخرين
حتى نفعل شىء ولو بسيط فى هذه الحياه
حتى نغرس بذرة أمل فى أرض قفراء
فلنبدأ جميعاً
ومن يدب قلبه بالحياه
ومن يرغب فى غرس بذرة أمل
ومن يريد ترك بصمه فى دنياه
ومن يرى فى نفسه إيجابيه
ويريد أن يعرف تفاصيل أكثر عن الحمله
فهذا هو الموقع
http://www.amrkhaled.net/
http://www.hemaya.ae/
وأتمنى من كل من يقرأ هذا الموضوع
ويعلق يخبرنى اذا كان سيشارك فى هذه الحمله أو لا
ولعلنا نشارك جميعاً
حتى لا نسأل عن هؤلاء فلا نستطيع الإجابه

للمره الثانيه

للمره الثانيه تحدث

وللمره الثانيه نصمت

للمره الثانيه تتكرر المهزله

وللمره الثانيه فقط نستنكرها

للمره الثانيه نهان

وللمره الثانيه لا يتحرك لنا ساكن

فمتى سنصرخ ؟

ومتى سنتحدث ؟

ومتى سنتعلم كلمة لا ؟

حينما امتنع المسلمون عن الزكاه بعد وفاة أشرف خلق الله ( عليه أفضل الصلاه والسلام )

استشار سيدنا ابو بكر الفاروق فى امرهم

وعرض عليه ان يحاربهم

ولكن سيدنا عمر كان يميل لعدم محاربتهم

فقال له سيدنا ابو بكر

( جئت بك لتنصرنى فجئتنى بخذلانك ، أجبار فى الجاهليه خوار فى الإسلام ياعمر ، أينقص الدين وأنا حى )

أينقص الدين وانا حى

تمعنوا معى معنى الجمله

انه يخشى ان ينقص دين حبيبه ورسوله وهو حى

ونحن .... أيهان رسولنا ونحن أحياء ؟

أيهان ولا نفعل أى شىء ؟

كيف ؟ ؟ !!

ألهذه الدرجه وصلنا ؟

فهل تعرفون من يهان ؟

انه أعظم وأشرف وأطهر وأكرم خلق الله

ولكن هل اللوم عليهم أم علينا ؟

لأننا نحن من أوصلنا بإسلامنا ورسولنا الى هذه الدرجه

هل اذا كان بنا من يخشونه كانت هذه الرسوم نشرت ؟

هل لو كان الإسلام رايته خفاقه وعاليه كان استجرأ أحدهم على هذه الفعله ؟

فنحن من جعلناهم يستهزءون بنا وبإسلامن وبرسولنا

فلنفكر جميعاً كيف لنا أن نرد هذه الإهانه بالفعل وليس بالإستنكار والكلام فقط

فلنفكر جميعاً كيف يعود الإسلام الى ماكان عليه

فلنفكر جميعاً كيف يصبح المسلمون أصحاب حضاره وثقافه وفكر

فلنتكاتف جميعاً ولتكن النيه

الرد على هؤلاء ممن لا يعرفون

عمن يتحدثون وينشرون

فلعل وعسى نشعر بأن بنا من لا تزال تنبض فيه الحياه

وأننا لم نصبح جميعاً اموات

كما هو حالنا الأن